Тукай исемендәге җәмгыятьтә техник тикшерү үткәрелде
2021 елның 29 мартында Ютазы муниципаль районында Тукай исемендәге агропредприятие карамагында булган тракторларга һәм аларга тагылмаларга күрсәтмә техник тикшерү уздырылды. Анда районның авыл хуҗалыгы һәм азык-төлек идарәсе начальнигы А.В. Борисов, маркетинг буенча консультант А.М. Мәхмүтов, хуҗалыклар инженерлары һәм КФХ башлыклары катнашты. Техник карауга 17 берәмлек техника тәкъдим ителде. Техник карау барышында теркәү документлары, тракторчы-машинист таныклыклары һәм машиналарның техник торышының контроль-диагностика приборларын кулланып, куркынычсыз эксплуатацияләү шартларына туры килүенә зур игътибар бирелде. Унөч берәмлек техника техник карауны уңышлы үтте һәм техник тикшерүне узулары турында таныклыклар алачаклар. 4 берәмлек техникага тикшерү актлары төзелде һәм җитешсезлекләрне бетерү турында күрсәтмә бирелде. Техник карауны уздырганнан соң, хуҗалыклар механизаторлары белән тракторларны куркынычсыз эксплуатацияләү буенча әңгәмә үткәрелде.