Киңәйтелгән атналык киңәшмә
30 нчы июльдә район торрмыш эшчәнлегенең төп сораулары буенча киңәйтелгән киңәшмә узды.
28 нче июльдә үзләренең һөнәри бәйрәмнәрен сәүдә, халыкка көнкүреш хезмәте күрсәтү һәм торак-коммуналь хуҗалык хезмәтчәннәре билгеләп узды.
Күпьеллык намуслы хезмәте, Ютазы муниципаль районы сәүдәсе үсешенә шәхси өлеше һәм һөнәри бәйрәм – Сәүдә, халыкка көнкүреш хезмәте күрсәтү һәм торак-коммуналь хуҗалык хезмәтчәннәре көне уңаеннан “Ютазы” кулланучылар кооперативының производство мөдире Тәҗрия Мөдәррис кызы Фәтхрахманова Ютазы муниципаль районы башлыгының рәхмәт хаты белән билгеләнде.
Күпьеллык намуслы хезмәте, Ютазы муниципаль районында торак-коммуналь хуҗалыкны үстерүдә шәхси өлеше һәм һөнәри бәйрәм – Сәүдә, халыкка көнкүреш хезмәте күрсәтү һәм торак-коммуналь хуҗалык хезмәтчәннәре көне уңаеннан “Идарә итүче компания” ҖЧҖ дворнигы Шәйбәк Зиннур улы Хәйдәров Ютазы муниципаль районы башлыгының рәхмәт хаты белән бүләкләнде.
“Үрнәк балалар бакчасы” смотр-конкурсында җиңгән өчен түбәндәге мәктәпкәчә балалар учреждениеләре билгеләнде:
-Урыссудагы 3 нче санлы балалар бакчасы, җитәкчесе –Раиса Александровна Игнатова;
-Урыссудагы 7 нче санлы балалар бакчасы, җитәкчесе – Наталья Валерьяновна Майорова.
Финанс-бюджет палатасы рәисе Руфия Габделмәҗит кызы Мөхәммәтова 2018 елның беренче ярты еллыгына срогы озайтылган бюджет үтәлеше турында мәгълүмат белән таныштырды.