Урыссу мәктәбе укучылары Ветераннар аллеясен ачты
Көзге календарьда гадәти булмаган дата бар, ул көндә кешеләрнең йөрәкләре тирән рәхмәт хисләре белән тула. Бу - 1 октябрь - Халыкара өлкәннәр көне.
Бу көнне өлкән яшьтәге барлык кешеләргә, ил иминлеге өчен хезмәт итүчеләргә, үсеп килүче буынны тәрбияләүчеләргә аеруча игътибарлы буласы килә. Урыссудагы 2 санлы төп гомуми белем бирү мәктәбендә дә бу көнне үзенчәлекле итеп билгеләп үтү традициягә әйләнде. 1 октябрьнең кояшлы җылы көнендә мәктәп территориясендә ветераннар аллеясына нигез салынды. Исемле миләш агачы үсентеләре утыртылды. Хәзер һәр ветеранның үз миләше бар. Бу үсентеләре ныгып, югарыга үрләсен, ә мәктәп укучылары аларны карап-тәрбияләп торсыннар.
Сәламәтлек сезгә, кадерле укытучы-ветераннарыбыз, иминлек һәм сезне барлык укучыларыгызның җылы карашы ташламасын. Сез бит безнең тарихыбыз, шатлыгыбыз һәм җиңүләребез!