Легендар алышка багышланган Тарих сәгате

2018 елның 5 декабре, чәршәмбе

5 декабрьдә Совет гаскәрләренең немец-фашист илбасарларына каршы Мәскәү янындагы контрһөҗүме – Бөек Ватан сугышы хәлиткеч вакыйгаларының берсе башлануга 77 ел тулды.

Бу алышка багышлап, Урыссудагы 2 санлы мәктәпнең 8 сыйныф укучылары өчен Үзәк китапханә хезмәткәрләре “Чигенер урын юк, артта – Мәскәү” дип аталган Тарих сәгате уздырды. Китапханәче сөйләвеннән балалар Мәскәү өчен көрәш турында күп тарихи фактлар белделәр. Алып баручыларның хикәяте архив видеохроникасын күрсәтү, “Мәскәү янындагы сугыш” медиапрезентациясе белән үрелеп барды.