«Истоки» ветераннар хоры Баулыда чыгыш ясады

2019 елның 17 гыйнвары, пәнҗешәмбе

«Истоки» Халык ветераннар хорының Баулыдагы “Березка” инвалидларның тернәкләндерү үзәгендә хәйрия концертлары уздыруы яхшы традициягә әверелде. Транспорт, авырган солистлар белән катлаулылыклар килеп чыгуга карамастан, концерт барыбер 16 гыйнварда үткәрелде. Санаторийның кечкенә залы барлык ял итүчеләрне сыйдырды бугай. Алар бик теләп Россия, Татарстан Республикасы, Безнең Ютазы районы турында җырлар тыңлады. Рус,татар, украин, белорус халык җырлары барысының да кәефен күтәрде.