Озак яшәү серләре
Безнең героебыз берялгызы тора, ләкин ялгызлыктан интекмим ди ул. Балаларының үгетләүләренә дә карамастан ул ата- ана нигезен ташлап китәргә теләми. Балалары аның өендә еш канак. Моннан тыш әбине җәмәгать оешмасы эшчесе дә карый. Туганнарыдай күрә торган күршеләре һәркөнне әбинең хәлен белергә керәләр. Аны туган көне белән тәбрик итәргә район башкарма комитеты җитәкчесенең социаль мәсьәләләр буенча урынбасары Белалова Гөлдания Нурлыгаян кызы һәм Кәрәкәшле авыл җирлеге башлыгы Альфред Давлетгареев килгәннәр иде. Алар әбине туган көне белән кайнар котладылар, аңа озын гомер, сәламәтлек теләп чәчәк бәйләмнәре һәм бүләк тапшырдылар.
Һәр туган яңа көнне һәм йокыга ятар алдыннан Мәхиямал Якуп кызы догадан башка башламый икән, һәр башкарган эшне дә Алла ярдәменнән эшләмим ди ул. Менә шулай Мәхиямал әби районыбызның иң матур авылларының берсендә яшәп ята, Ходай тәгалә аңа озын гомер бирсен иде!