Туган тел – нинди күркәм син!
21 февральдә бөтен дөнья Халыкара туган тел көнен билгеләп үтә. Бу көнне Урыссудагы 2 санлы мәктәптә 5 нче сыйныф укучылары өчен Үзәк балалар китапханәсе хезмәткәрләре «Туган тел, нинди күркәм син! " дигән туган тел сәгате үткәрделәр. Чараны алып баручы Юлия Агафонова планетада телләрнең күп төрлелеге, туган телнең халыкның холкын, аның хәтерен, тарихын, рухи көчен чагылдыруын сөйләде. Мисал итеп китерелгән җөмлә-фикерләрдән укучылар К. П. Паустовский, Чернышевский һәм И. С. Тургенев кебек күренекле әдипләрнең рус теленә ничек соклануларын һәм хөрмәт белән карауларын белделәр. Аннан соң балалар рус теленең танылган сүзлек төзүчеләре – В. И. Даль һәм С. И. Ожегов, Д. Н. Ушаков турында һәм аларның рус теленең тел белеме һәм сөйләм культурасы үсешенә керткән бәяләп бетергесез өлешләре турында белделәр .
Балалар үзләренең белемнәрен «Мәкальне тулысынча әйт», «Канатлы әйтем-гыйбарәләр», «Кызык сораулар» кебек конкурсларда катнашып тикшерә алдылар. Чара ахырында малайлар һәм кызлар "Сөйләм әдәбе кануннары" белән таныштылар, анда сүз телнең сафлыгын саклау, телне төрле әдәпсез, жаргоннар белән "чүпләмәү" мөһимлеге турында барды. Чарада мультимедиа презентациясе тәкъдир ителде. Яшь китап укучылар игътибарына «Туган тел - халыкның рухы» дигән китап күргәзмәсе тәкъдим ителде, анда телләр, шулай ук сөйләм культурасы турында китаплар, төрле сүзлекләр, сөйләүлекләр тәкъдим ителгән иде.