Сарманда үткәрелгән "Сәламәтлек" XVI кышкы Спартакиадасы кысаларында, чаңгы ярышлары буенча республика чемпионатында безнең район командасы уңышлы чыгыш ясады.
Айназ Фәйзрахманова, Ильмира Әхмәтшина, Гөлназ Закирова составындагы Ютазы чаңгычылары командасы, ирекле стильдә 3 чакрым дистанцияне узып, зачет ярышында өченче булды. Тренер Таһир Гыйздетдинов җитәкчелегендәге чаңгычылар гомумкоманда зачетында да бронза медальләр белән бүләкләнде.