Казанда Ютазы районы рәссамы күргәзмәсе ачылды

2019 елның 7 марты, пәнҗешәмбе

Республика башкаласында бу көннәрдә Урыссу балалар сәнгать мәктәбенең сынлы сәнгать бүлеге укытучысы Камил Ибраһимовның шәхси күргәзмәсе үз эшен башлап җибәрде.

Ютазы рәссамы, СССР, РФ һәм ТР Рәссамнар берлеге әгъзасы Камил Ибраһимовның "Ютазы районы – Татарстанның кояш башта анда чыккан төбәге" дип аталган рәсем сәнгате әсәрләре күргәзмәсе М. Горький һәм Ф. Шаляпин музейларында ачылды. Күргәзмә март ахырына кадәр дәвам итәчәк.