«Илһам чишмәләре» вокаль ансамбле Баулы районының «Каенкай» инвалидларны тернәкләндерү үзәгенә хәйрия концерты белән барды

2019 елның 25 марты, дүшәмбе

Ютазы артистлары шигырьләр, җырлар, биюләр әзерләп алып килгән иде, чыгышлар тамашачыларның берсен дә битараф калдырмады.

Ял итүче тамашачылар чыгышлардан бик канәгать булды һәм һәр номерны алкышларга күмде.

Игелеклелек - барыбызны да берләштерә! Залда җылы һәм дустанә мохит хөкем сөрде, барлык тамашачылар һәм артистлар бу көнне бер-берсенә тагын да ныграк якынайды.

Концерттан соң тамашачылар артистларга матурлык, игелек һәм яктылык бүләк итүче иҗатлары өчен рәхмәт әйттеләр. Бу алар өчен һәр көн – тормыш өчен көрәш булган киртәләрне җиңү юлыннан барган кешеләргә ярдәм итсен иде.