Ютазы районы балалар хәрәкәте активистлары слеты
25 март көнне Ютазы мәктәбе базасында балалар хәрәкәте активистларының волонтерлык эшенә багышланган VI район слеты узды.
Балалар район думасы депутатлары һәм балалар иҗтимагый оешмалары активистлары өчен мәктәп каникуллары актив эш белән башланып китте. 25 март көнне Ютазы мәктәбе базасында балалар хәрәкәте активистларының волонтерлык эшенә багышланган VI район слеты узды.
БРД спикеры Вәлиева Ильвина катнашучыларны ирекле ярдәмчеллек һәм волонтерлык кысаларында үткәрелгән акцияләр һәм чаралар белән таныштырды. Слетта катнашучыларга "Бердәмлектә көч» дигән квест һәм “Нәрсә? Кайда? Кайчан? интеллектуаль уены тәкъдим ителде.
Ютазы мәктәбе педагог-психологы Мөхәммәтшина Л. Р. "Тормыш кыйммәтләре"дип исемләнгән тренинг үткәрде. Соңыннан барысы да дуслар даирәсендә гитара астында җырлар җырладылар һәм традицион рәвештә флеш-моб башкардылар.