Йомгаклау ярышларында чаңгычыларыбызның җиңүләре

2019 елның 8 апреле, дүшәмбе

Ютазы чаңгычы-узышчылары кышкы чаңгы сезонын уңышлы яптылар.

5-7 апрельдә Җәлил бистәсендә узган чаңгы ярышлары буенча республика ярышларының йомгаклау стартлары үз эченә спринтер узышын һәм масс- стартта дүрт узышны алды. "Олимп” балалар-яшүсмерләр спорт мәктәбе тренеры Таһир Гыйздетдинов шәкертләре ярышлардан өч медаль алып кайттылар. Айназ Фәйзрахманова спринтер ярышында яшүсмер кызлар арасында икенче урынны алды, ә Ильмир Латыйпов спринтер ярышында һәм масс-стартта ирекле стильдә 7,5 чакрымлык дистанциядә җиңү яулады.