Ике тапкыр Дөнья чемпионы Тимур Галләмов призларына самбо буенча ачык республика турниры
Ютазы районы самбочылары икенче урынны алды! Узган шимбәдә "Олимп” спорт комплексында төрле төбәкләрдән төрле категориядәге самбочылар ярышты .
Шулай ук яшь самбочылар өчен Тимур Галләмов (2 тапкыр Дөнья чемпионы) һәм Радик Җәләев (самбо буенча тренер-укытучы, спорт мастеры, самбо буенча Россия Беренчелеге җиңүчесе) мастер-класс күрсәтте.
Ютазы самбочыларының нәтиҗәләре түбәндәгечә:
Кызлар арасында 2 урын-38 кг-Игонина Софья, малайлар арасында 3 урын- 30 кг - Ярков Сәгыйть;
малайлар арасында - 38 кг - 3 урын - Камалтдинов Эмир
малайлар арасында -55 кг - 3 урын - Шәйхетдинов Азат
малайлар арасында - 78 кг- 3 урын - Борисов Кирилл.
Команда зачетында безнең самбочылар 2 нче урынны алды.
Турнирны ачу тантанасында мәртәбәле кунаклар катнашты: Ютазы муниципаль районы башлыгы - Нуриев Рөстәм Мидхәт улы, «Төзекләндерү” МУП директоры - Камалтдинов Илшат Римат улы, Ютазы районының спорт ветераны - Воробьев Леонид Сергеевич, ЮМРда ТР самбо федерациясе рәисе - Фәрхетдинов Хәлил Зәки улы, самбо көрәше буенча өч тапкыр дөнья чемпионы - Миңнегалимов Дамир Дәүләтгәрәй улы, Халыкара класслы спорт мастеры, самбо буенча дөнья Кубогы иясе - Мухәммәтдинов Рөстәм Раян улы.
Самбочыларны котлыйбыз һәм аларга киләчәктә дә уңышлар телибез!