“Дубравушка”да сәламәт яшәү рәвеше пропагандалана

Кичә яшьләр эшләре, спорт һәм туризм бүлеге, мәгариф бүлеге белән берлектә, “Дубравушка”да ял итүче балаларга сәламәт яшәү рәвешен пропагандалауга юнәлтелгән чара әзерләгән.

Лагерьдагы икенче смена кичекмичә ахырына якынлаша - 28 июльдә балалар яраткан ял урыннарын калдырып китәчәк. Үсмерләр бу чорда көч тупладылар, алда торган уку елы алдыннан яңа дуслар һәм танышлар булдырдылар. Ә бүген аларга Урыссу үзәк район хастаханәсе баш табибының поликлиника буенча урынбасары һәм республиканың көньяк-көнчыгыш өлеше казые белән танышу мөмкинлеге туды. Ринат Фатыйхов үзенең чыгышын саннар һәм фактлар “боткасына” кормаган иде. Бүген ул балалар өчен теге яки бу начар гадәтнең начар нәтиҗәләрен күрсәткән фотографияләр белән слайд-шоу әзерләгән. Ул аларга комментарийлар ясады. Шуны әйтергә кирәк, чыгыш балаларга яхшы тәэсир итте. “Бәлки кемдер наркоманиянең, тәмәке тартуның һәм алкоголизмның әлеге ысулларына шелтә белдерер, аларны артык рәхимсез дип атар... Әмма алар эшли. Ризалашыгыз, хәзер сезнең  арагыздан беркемнең дә тәмәке тартасы, спиртлы эчемлекләр кулланасы яки “энәгә утырасы” килмәс. Сез туктарга җиңел булып күренгән мавыгуларның нәрсәгә китерергә мөмкин булуын аңларга тиешсез”, - дип сүзен тәмамлады Фатыйхов.

Марат хәзрәт Мәрданшин балалар белән гаилә кыйммәтләре темасына әңгәмә корды. Балаларга кызыклы булсын өчен бер ир-егет турында гыйбрәтле хикәят сөйләде. Ул балачактан бер күзе булмаган әнисеннән оялган һәм аны яратмаган. Аның  үлеменнән соң  гына малай кайчыга егылып, күрү сәләтен югалткач, әлеге әһәмиятле органны әнисенең нәкъ менә аның өчен корбан итүен белгән. Ул балаларны үз әти-әниләрен чиктән тыш яратырга һәм хисләрне чагылдырырга оялмаска чакырды. “Арагыздан берегезнең дә әти-әнисе алкоголь кулланырга яки тәмәке тартырга тәкъдим итмәгәндер бит? - дип мөрәҗәгать итте Марат хәзрәт балаларга. - Бу әти-әнинең сиңа тынычлык һәм игелек теләве, синең җиңүләреңә шатланулары һәм уңышсызлыкларыңа борчылулары өчен шулай. Сезгә тәмәке тартырга, аракы эчәргә һәм җиңелчә наркотик тәкъдим иткән иптәшегезне дус дип санамагыз. Ул сезгә игелек теләүче түгел. Ышаныгыз”.

Ахырда ял итүчеләр алдында “Мөстәкыйль балалар” проекты активистлары Полина Сухоносова һәм Альбина Миңневәлиева чыгыш ясадылар. Алар яшьтәшләренә проектның, волонтерлык эшенең өстенлекәре турында сөйләделәр.

Һәр чыгыш ясаучы балаларны спорт, уку һәм үзеңне үстерү белән актив шөгыльләнергә чакырды. Лаеклы киләчәккә юлда бу адымнарның  ныклысы да инде. Балаларга сәламәт яшәү рәвешен пропагандалау һәм наркомания, алкоголизм һәм тәмәке тарту профилактикасы буенча буклетлар тараттылар. Шунысы куандыра, чара тәмамланганнан соң, кайбер кызыксынган үсмерләр “Мөстәкыйль балалар” проектында кайчан һәм ничек катнашырга мөмкин булуы турында сорашып, оештыручылар янына килделәр. Сәламәт яшәү рәвеше даими рәвештә яшьләр арасында модага керү һәм бу куандырмый кала алмый.