Башлангыч стадиядә ачыклау-гомерен саклап калу
2016 елда предприятие хезмәткәрләрен медицина тикшерүе буенча башланган эш барлык милек формаларында үсеш ала һәм уңай нәтиҗәләр бирә. Бу хакта җитәкчеләр белән узган киңәшмәдә район башлыгы Рөстәм Нуриев сөйләде.
"Эшкә яраклы яшьтәге скрининг» программасы район башлыгы Рөстәм Нуриев инициативасы белән эшләнгән һәм эшләүче халыкны хроник авыруларны, риск факторларын һәм онкология авыруларының иртә стадияләрендә медицина тикшерүләре ярдәмендә ачыклауга юнәлдерелгән.
Бу чорда барлыгы 10 меңгә якын кеше тикшерелде. Ике ел эчендә вакытында авыруларны ачыклау аркасында эшкә яраклы яшьтә гражданнар арасында үлүчеләр саны кимеде. Бүгенге көндә онкология авыруларының башлангыч стадиясендә ачыкланган өлеше 82 процент тәшкил итә, чагыштыру өчен 2016 елда 60 процент иде. Скрининг тикшерүе нәтиҗәсендә кан әйләнеше системасы авыруларын вакытында таный һәм үз вакытында ярдәм күрсәтә алалар, нәтиҗәдә әлеге авыру санының 26 процентка кимүе күзәтелә. Ике ел эчендә 16 онкоавыру ачыкланган, йөрәк-кан тамырлары системасының 4000гә якын авырулары ачыкланган, 6 кешене аорт-коронар шунтлауга, 49 кешене стентлауга, 43 кешене югары технологик медицина ярдәме белән тәэмин итүгә юнәлдерелгән.
Район хастаханәсенең баш табибы авыруларны билгеләү өчен кирәкле анализлар һәм тикшерүләрнең стандарт җыелмасына керә торган төп күрсәткечләрне атады: канның гомуми һәм биохимик анализы, бәвел, электрокардиограмма анализы. Шулай ук хезмәткәрләргә онкомаркерларга тикшерү узарга тәкъдим ителә.
- Хезмәткәрләрнең сәламәтлеге турында кайгырту җитәкчеләрдә беренче урыннарның берсендә торырга тиеш. Зур булмаган суммадагы акчаларны экономияләп, сез үз белгечләрегезне риск астына куясыз. Кешеләрнең кадерен белергә, аларның сәламәтлеген бәяләргә кирәк, - диде район башлыгы, программада катнашучы предприятие җитәкчеләренә һәм вәкилләренә мөрәҗәгать итеп.
Саннар
2016 елда 19 хезмәткәрдә инсульт булса, 2018 елда 12 хезмәткәрдә була.
2016 елда эшкә яраклы яшьтәге 8 кеше инфаркт кичергән булса, 2018 елда 4 кешедә була.