Безгә ул авыр елларны оныту мөмкин түгел
21 июнь көнне Үзәк һәм Үзәк балалар китапханәсе хезмәткәрләре 2 нче мәктәп яны лагере балалары өчен хәтер һәм кайгы көненә багышланган «Безгә ул авыр елларны оныту мөмкин түгел» дигән патриотик сәгать үткәрделәр.
22 июнь-календарьдагы дата илебез героик елъязмасына мәңгелеккә уелып язылган. Бу көн хәтеребезне 1941 елга, димәк, 1945 елның 9 маена мәңге алып кайтып торачак. Ике көн арасында -ныклы җеп. Алып баручы Юлия Агафонова балаларга сугышның беренче минутлары, фронтка эләккән балалар, язмыш ихтыяры, сугышның миллионлаган тормышларын алып китүе турында сөйләде. Аерым ассызыклап үткәнчә, үз иленең тарихын, үзләренең батырлыгы һәм хезмәте белән бу сугышта җиңеп, бәхетле балачак бүләк иткән әби-бабайларын истә тотарга кирәк. Әлеге чарада яшь китап укучылар Левитанның тавышы яздырылган «Совет Информмбюро”сын тыңладылар, «Балаларга сугыш турында " видеоролигын карадылар, шулай ук сугыш турында шигырьләр укыдылар. Чара ахырында акциядә катнашучыларның барысы да Бөек Ватан сугышы елларында һәлак булган сугышчыларны бер минутлык тынлык белән искә алдылар.