Халыкара наркотик чараларны кулллануга һәм аларның законсыз әйләнешенә каршы көрәш көненә багышлап
26 июньдә, Халыкара наркотик чараларны куллануга һәм аларның законсыз әйләнешенә каршы көрәш көнендә, максаты - яшь буында наркомания, токсикомания, тәмәке тарту, эчкечелек һәм башка асоциаль күренешләргә тискәре караш, наркотиклар кулланудан баш тарту күнекмәләрен һәм сәламәт яшәү рәвеше культурасын формалаштыру булган чара узды. Ә аннан соң балалар «Күңелле себерке» конкурс-уен программасында актив катнаштылар. Себерке - хәрәкәт итү чарасы булган әкиятләрне исләренә төшерделәр, «Чисталык кланы» геройларының һәм вәкилләренең исемнәрен атадылар. "Команда очышы» эстафетасы бик күңелле узды, анда себерке такси сыйфатында кулланылды. “Эстафета-Чистофета”да катнашучылар никадәрле тырышлык белән тәртип урнаштырдылар. «Иң җитез»конкурсы һәм «Себеркене тотып кал” уены рәхәтләнеп көлүләргә сәбәпче булды. Чара ахырында барлык балалар “Бердәм Россия” сәяси партиясенең җирле бүлекчәсеннән татлы бүләкләр алды.