Законга каршы барып сатмау зарур

2019 елның 22 июле, дүшәмбе

Россия Эчке эшләр министрлыгының Ютазы районы буенча бүлеге тарафыннан ТР Дәүләт алкоголь инспекциясенең Әлмәт территориаль органы хезмәткәрләре белән берлектә үткәрелгән оператив-эзләү чаралары барышында Кәрәкәшле авылында законсыз рәвештә алкогольле продукция сату факты ачыкланды.

Ә атап әйткәндә, гомуми күләме 63,24 литр булган 15 төрдәге сыра һәм сыра эчемлекләренең товар-транспорт накладное һәм сертификаты булмаган. Әлеге факт буенча беркетмә төзелде, законсыз әйләнештәге продукция алынды. Гаеплеләр җәза алачак.