Белем эзләп - мәктәпкә

2012 елның 1 сентябре, шимбә
       Капиталь ремонттан соң Урыссу гимназиясе үзенең укучыларын  якты сыйныфлар, яңартылган фасад, яңа тәрәзәләр, ишекләр белән каршы алды. Тантаналы линейкага җыелганнарны котларга район башлыгы вазифаларын башкаручы, гимназиянең попечительләр советы председателе Рөстәм Нуриев килде.  Районның башкарма комитеты җитәкчесе вазифаларын башкаручы, шулай ук  попечительләр советы председателе Андрей Подовалов узган уку елы нәтиҗәләре буенча иң яхшы дип табылган 3 нче мәктәптә булды. Бу бәйрәм иртәсендә районның башка мәктәп укучыларын һәм укытучыларын төрле бүлекчә, оешма, предприятие җитәкчеләре котлады. Аларның берсе дә буш кул белән килмәде - һәркайсы мәктәпкә үз бүләген тапшырды.
           Мәктәпкә беренче адым ясаган 230 укучы өчен бу көн дулкынландыргыч булды. Белем бусагасында ук аларны күп сюрпризлар көтә иде. Бәләкәчләр республика президентыннан китаплар һәм раскраскалар алдылар. “Мәктәпкә җыенырга булыш” акциясе кысаларында “Бердәм Россия” партиясе җирле бүлекчәсеннән беренче сыйныфка килгән һәр балага физкультура дәресләрендә шөгыльләнү өчен бүләккә футболкалар бирелде. Моңа кадәр шушы акция кысаларында көчләреннән килгән ярдәмне райондагы башка партияләр – КПРФ, “Гадел Россия” һәм ЛДПР да күрсәткән иде.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International