Авыл хуҗалыгы һәм эшкәртү сәнәгате хезмәтчәннәре өчен бәйрәм

2012 елның 12 октябре, җомга
     9 октябрьдә Казан шәһәренең ” Корстон” ГТРКда авыл хуҗалыгы һәм эшкәртү сәнәгате хезмәтчәннәре көне уңаеннан Татарстан Президенты Рөстәм Миңнеханов исеменнән кабул итү булды.
     Чарада ТРның Дәүләт киңәшчесе Минтимер Шәймиев, Дәүләт Советы председателе Фәрит Мөхәммәтшин, ТРның Премьер-министры урынбасары, ТРның авыл хуҗалыгы һәм азык-төлек министры Марат Әхмәтов, шулай ук һәр районнан делегацияләр катнашты.
     Безнең районнан ТРның Ютазы муниципаль районы башлыгы вазифаларын башкаручы Рөстәм Мидхәт улы Нуриев, хезмәт ветераны Сәгадәтулла Рәхмәтулла улы Төхбәтуллин, авыл хуҗалыгы һәм азык-төлек идарәсе начальнигы Атлас Фәрит улы Гайнетдинов, Тукай исемендәге ҖЧҖ директоры – Әсгать Гали улы Абдуллин, “Вафауллин” КФХ башлыгы – Альберт Аналевич, “Нур” КФХ комбайнчысы – Мәүзир Мөдәерович, шулай ук “Кәрәкәшле”ҖЧҖ комбайнчысы  Ришат Илшат улы чакырулы иде.
     Тантана башланганчы кунаклар Татарстан җитештерүчеләре тәкъдим иткән икмәк эшләнмәләрен карап чыктылар. Аннары бәйрәм чарасында сәламләү сүзе белән республика башлыгы Рөстәм Миңнеханов чыгыш ясады. Ул авыл хуҗалыгы хезмәтчәннәрен, тармак ветераннарын, район һәм авыл хуҗалыгы предприятиеләре җитәкчеләрен бәйрәм белән котлады. Президент билгеләп үткәнчә,бүген авыл хезмәтчәне хезмәте җиңелдән түгел. Ул һава торышы, бәяләр буенча да зур хәвеф-хәтәргә дучар булырга мөмкин. “Авыл-ул мәдәният һәм гореф-гадәтләрнең нигезе. Без моны шулай ук истә тотарга тиеш. Һәм хәзер без авылга ярдәм итү кысаларында эшләтеп җибәргән программалар бик әһәмиятле. Без тигез дәрәҗәдә эре агрохолдингларга да ярдәм итәбез, шәхси хуҗалыклар, фермерлар белән актив эшлибез”,- диде республикабыз Президенты. Иң заманча технологияләрне гамәлгә ашырырга кирәклеге турында белдерде. “Үзебез җитештергән әйберне реализацияләү юлын булдырырга кирәк. Казанда сафка бастырылачак Агропромбазар авыл хуҗалыгы җитештерүчеләренә базарга керү мөмкинлеген күрсәтүче үрнәк булачак. Безнең мондый проектлар күп булырга тиеш”,- дип йомгаклады республика башлыгы.
      Алга таба бәйрәм программасы концерт белән дәвам итте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International