Ана капиталына сертификатлар тапшыру

2012 елның 17 октябре, чәршәмбе
     Күптән түгел бәби алып кайткан 5 яшь әни бүген ана капиталына сертификатлар алдылар.
    Утырышлар залында аларны район башкарма комитеты җитәкчесе урынбасары Гөлдания Белалова һәм Баулы шәһәре, Баулы һәм Ютазы районнары буенча Пенсия фонды идарәсе начальнигы Станислав Тимофеев котладылар. Гөлдания Нурлыгаяновна хәбәр итүенчә, агымдагы елның тугыз аенда районда 229 бала дөньяга килгән, шулардан 95е - беренче, 88е – икенче, 38е – өченче һәм 8 сабый дүртенче, бишенче бала булып туган.

     “Шунысы сөенечле,-дип басым ясады Белалова,- октябрьнең беренче ун көнендә районда 17 сабый туган! Мондый темплар белән райондагы демографик хәл көннән-көн яхшырыр дип өметләник”. Шул сүзләр белән ул сертификатларны ияләренә тапшырды. Станислав Тимофеев, үз чиратында, яшь әниләргә дәүләтнең бу ярдәме белән файдалану мөмкинлекләрен аңлатты, ягымлы ханымнарга чәчәк бәйләмнәре һәм бүләкләр тапшырды. Моннан тыш, “Автоградбанк” вәкилләре аларга үзләренең зур булмаган бүләкләрен тәкъдим иттеләр һәм әниләрне хезмәттәшлеккә чакырдылар.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International