Торак-коммуналь комплексның атналык киңәшмәсе

2012 елның 17 октябре, чәршәмбе
17 октябрьдә утырышлар залында торак-коммуналь комплекс сораулары буенча атналык киңәшмә булды. Киңәшмәне Ютазы муниципаль районы башкарма комитеты җитәкчесе вазифаларын башкаручы Подовалов Андрей Николаевич алып барды. Киңәшмәдә шулай ук катнаштылар: З.Ә.Рәшитова – башкарма комитет җитәкчесенең беренче урынбасары, Р.Р.Миңневәлиев – инфраструктура үсеше бүлеге начальнигы, Р.Х.Киреева – инфраструктура үсеше бүлегенең төп белгече, В.А.Әхмәтҗанова – инфраструктура үсеше бүлегенең әйдәп баручы белгече, А.А.Фәйсханова – территориаль үсеш бүлеге начальнигы, ТСЖ председательләре, “Управляющая компания” ҖЧҖ директоры З.В.Ильясов, “Уруссу – Водоканал” ҖЧҖ директоры урынбасары Г.Г.Шәфигуллин, “ЕРЦ” ҖЧҖ директоры В.Н.Арисова, “УТС” ҖЧҖ директоры Р.Г.Шәйгәрдәнов, “Теплосервис” МУП директоры Р.М.Гарипов, “Жилэнергосервис – Уруссу” ҖЧҖ мастеры А.Г.Афанасьев, “БиоТранс” ҖЧҖ финанс директоры Э.И.Шәмсетдинова, “УПБиО” МУП директоры Ф.Ф.Камаев.

 

Түбәндәге мәсьәләләр буенча фикер алыштылар: 2013 елга капиталь төзекләндерүгә документлар бирү, хезмәт күрсәтүчеләргә вакытында түләнмәгән бурыч, халыкның гомуми йорт ихтыяҗларына (ОДН) түләүдән баш тартуы.

Киңәшмәдә инфраструктура үсеше бүлеге начальнигы Р.Р.Миңневәлиев идарә итүче оешмаларның сентябрь ае өчен бурычлары һәм төп инвестицион-төзелеш идарәсенә (ГИСУ) акча күчерү мәсьәләләре буенча чыгыш ясады.

“Маяк” һәм “Восток” ТСЖларына 2013 елга капиталь төзекләндерү программасына кергән йортлар (Горький урамы, 3нче йорт, Ленин урамы, 2нче йорт, Куйбышев урамы, 5нче йорт, М.Җәлил урамы, 11нче йорт) буенча документлар әзерләү йөкләмәсе бирелде. Шулай ук ТСЖ җитәкчеләренә һәм “Идарә итүче компания” ҖЧҖ директорына хезмәт күрсәтүче “Чистый дом 2” ҖЧҖ, “Татэнергосбыт” ААҖнә сентябрь ае өчен түләнмәгән бурычны түләү эше тапшырылды.


Гомуми йорт ихтыяҗларына (ОДН) 3 айдан артык түләмәгән очракта, идарә итүче оешма түләмәүчене судка бирергә мәҗбүр булачак дигән карар кабул ителде.

 

 

 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International