Урыссу бистәсе башлыгын сайладылар

2012 елның 19 октябре, җомга
     Бүген, 19 октябрьдә, II чакырылыш Урыссу шәһәр тибындагы бистә советы утырышында 6 нчы номерлы Яшьләр сайлау округыннан депутат Рөстәм Нуриев бертавыштан Урыссу бистәсе башлыгы һәм Урыссу бистәсе советы председателе итеп сайланды. Утырышта 4 мәсьәлә каралды:
1.     6 нчы номерлы Яшьләр сайлау округыннан Урыссу бистәсе советына депутатларны өстәмә сайлау нәтиҗәләре турында;
2.     Урыссу шәһәр тибындагы бистә башлыгы һәм Ютазы муниципаль районы Урыссу шәһәр тибындагы бистә советы председателе сайлау турында;
3.     Урыссу шәһәр тибындагы бистә башкарма комитеты җитәкчесе вазифаларын башкаручының отставкага китүе турында;
4.     Урыссу шәһәр тибындагы бистә башкарма комитеты җитәкчесе вазифасына конкурс турында.


Беренче мәсьәлә буенча Ютазы муниципаль районы территориаль сайлау комиссиясе председателе Кәшиф Вәлиев чыгыш ясады. 14 октябрьдә булып узган Ютазы муниципаль районының сайлап куелган органнарына депутатлар сайлауны искә төшереп, ул сайлаучыларның актив катнашуын ассызлыклады. Алтынчы номерлы бер мандатлы Яшьләр сайлау округында  килүчеләр  98,27% тәшкил итте, ә ТРО ВПП “Бердәм Россия” партиясеннән тәкъдим ителгән Р.Нуриев кандидатурасына сайлаучыларның 96,3% тавыш биргән. Утырыш эшен алып барган Урыссу бистәсе башлыгы урынбасары һәм Урыссу бистәсе советы председателе Елена Коваль яңа сайланган депутатны тәбрик итте һәм бу өлкәдә аңа уңышлар теләде.
Урыссу бистәсе советы утырышы эшендә ТР ветеринар һәм фитосанитаркүзәтчелек  буенча Федераль хезмәт идарәсе җитәкчесе Нурислам Хәбипов катнашты. Нурислам Нуриманович икенче сорау буенча чыгыш ясап, җитәкчелек иткән ике елда Нуриев тормышка ашырган эшләрнең әһәмиятле  икәнен ассызлыклады.”Районда тормышның күп сфераларында күзәтелгән позитив үзгәрешләр өчен, бюджеттан тыш, республика финанс чараларын җәлеп итәргә  һәм зур мәсьәләләрне чишәргә сәләтле булуы  өчен рәхмәт”, - диде Нурислам Нуриманович. Ул Урыссу бистәсе башлыгы һәм Урыссу бистәсе советы председателе итеп Р.Нуриевны сайларга тәкъдим итте һәм депутатлар корпусына  тавышка куелган кандидатураны хуплауны сорап мөрәҗәгать итте. Хәбиповның тәкъдимен депутатлар Владимир Петров һәм Равил Гарипов якладылар.


 Бер тавыштан сайлаганнан соң, Урыссу бистәсе башлыгы Р. Нуриев, күрсәткән ышаныч өчен, рәхмәт белдерде һәм Муниципаль оешма Уставына, РФ һәм ТР конституциясенә тугрылыкка ант итте. “Барлык эшләнгән эшләр – бу депутатлар корпусы һәм предприятие җитәкчеләре белән бергә күрсәткән хезмәтләр.  Алда яңа бурычлар, яңа чишелешләр . Ышанам, алга таба да без тыгыз бәйләнештә, район һәм аның халкы бәхете өчен эшләрбез”, - дип билгеләп үтте ул.
     Утырыш азагында, Е.Коваль Урыссу бистәсе башкарма комитеты җитәкчесе вазифасына конкурс үткәрү тәртибе белән таныштырды. Бу мәсьәлә буенча депутатлар тиешле карар кабул иттеләр.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International