Электрчы сапер сыман – ялгышырга тиеш түгел

2012 елның 27 октябре, шимбә
Бүген, 27 октябрьдә, Урыссу ГРЭСы базасында “Иң яхшы электрчы” һөнәри осталык бәйгесе булды. Иң яхшы исемен алу өчен район үзәгенең алты предприятиесеннән барлыгы җиде кеше катнашты.
Районда икенче ел үткәрелүче һөнәри осталык бәйгесе яхшы традициягә әйләнеп бара. Әмма, кызганычка каршы, ел саен аның катнашучылары артмый, һәрхәлдә, электрчылар арасында. Бүген үзенчәлекле имтиханда җиде кеше катнашты: “Электросоединитель” ААҖннән ике кеше, УПНМ, УЭМЗ, УГРЭС, “Теплосервис” МУП, “Урыссу-Водоканал” ҖЧҖ – берәр вәкил.
Бәйгедә катнашучыларны предприятиенең генераль директоры Владимир Петров сәламләде. Ул электрчыларны һөнәрләр арасында аксөяк һөнәрманнар дип атады, чөнки электрчы – куркыныч , авыр, күп белем һәм осталыклар таләп итә торган һөнәр. Электрчы ялгышырга тиеш түгел, чөнки аның хатасы бик кыйммәткә төшәргә мөмкин, дип йомгаклады ул. Монда белемнәре ягыннан тигез һөнәрманнар җыелуын, алар арасында җиңелүчеләр булырга мөмкин түгеллеген дә билгеләп үтте.
Бәйге теоретик һәм практик өлешкә бүленде. Теория өлешендә катнашучылар 18 тест соравына җавап бирделәр. Аннан соң теоретик-практик бирем – электр тогы сугудан зыян күрүчегә беренче медицина  ярдәме күрсәтү. Практика өлешендә бәйгедә катнашучылар электродвигатель белән идарә итү өчен схемалар сыздылар һәм тикшерделәр, аннан соң шул сызым буенча электродвигательне идарә итү схемасын җыйдылар.
Нәтиҗәдә урыннар җыелган гомуми баллар буенча бүленделәр. Шулай итеп, беренче урында – Сергей Чудин (УГРЭС), икенче урында – Дамир Шәйхуллин (УПНМ), өченче урында – Сергей Барбарский (“Теплосервис”). Җиңүче һәм призерлар дипломнар һәм акчалата приз белән бүләкләнделәр. Район башлыгы Р.Нуриев билгеләп узганча, бәйгенең җиңүчесе 24 ноябрьдә Казанда булачак якташлар очрашуына барачак. Калган катнашучыларга УГРЭС профсоюз оешмасы әзерләгән призлар бүләк ителде.
Шуны да әйтергә кирәк, бәйгене гадел жюри тикшерде. Жюри составында УГРЭСның электр цехы начальнигы Равил Нургалиев (рәис), электр цехы начальнигы урнбасары Әбүзәр Галиев, надзор буенча инженер Нәсим Ганиев, баш инженер урынбасары Павел Любимцев бар иде.

 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International