Иң яхшы машина йөртүчеләр – АКСКиМда!

2012 елның 28 октябре, якшәмбе
Шушы көннәрдә РОСТО (ДОСААФ) базасында йөк һәм пассажир автотранспортлары йөртүчеләре арасында ике номинация буенча һөнәри осталык бәйгесе булды.
Узган елдагы сыман быел да ул иң җиңелдән – юл йөрү кагыйдәләрен белүне тикшерүдән башланды. Моңардан тыш, алардан медицина буенча үзенчәлекле имтиханны Урыссу үзәк район хастаханәсе баш табибы Ринат Фатыйхов алды. Шунысын да билгеләп үтәргә кирәк, узган ел белән чагыштырганда, юл йөрү кагыйдәләрен белү һәм зыян күрүчегә беренче медицина ярдәме күрсәтүнең сыйфаты сизелерлек үскән. Шулай булса да, бәйгедә катнашучылар саны кимегән. Аңлашылмаган сәбәпләр аркасында, бу һөнәр белән яшәүче “Транспорт” ҖЧҖннән бер вәкил дә катнашмады. Аның каравы АКСКиМ, “Электросоединитель”, ГРЭС, УЗЖБИ, “Теплосервис”, УПНМ, химзавод, водоканал һәм газ хуҗалыгыннан вәкилләр бәйгедә актив катнашты. Шунысы сөенечле: күпләр конкурска җанатарлар төркеме белән килгән. Мәсәлән, үзләренең кул астында эшләүчеләргә көч өстәргә Әбсәләм комбинаты директоры Илһам Сафин һәм Урыссу ГРЭСы директоры Владимир Петров килгән иде, ә газчы-йөртүче өчен тулы бер коллегалар командасы җан атты.
Шулай итеп, бу бәйгедә иң яхшы исемен алу өчен өч пассажир транспорты шоферы һәм тугыз йөк машинасы шоферы ярышты. Зур йөк ташучы машиналарны фигуралы йөртү – җиңел эш түгел, ләкин безнең конкурсантлар моны бик җиңел башкардылар. Бәйгенең өч этабы буенча жюрига алдынгы ике өчлекне сайлап алырга кирәк иде. Шулай итеп, җыелган очколарның суммасы буенча йөк машинасын иң яхшы йөртүче булып Айрат Нигматуллин (АКСКиМ) танылды. Икенче урында - Родион Петров (ГРЭС), ә өченче – Валерий Хафизов (ЮРЭГС). Пассажир автотранспорты йөртүчеләре арасында беренче – Зәйтүн Хафизов (АКСКиМ), икенче – Салават Галләмов(УГРЭС), өченче – Риф Шәрифуллин (“Электросоединитель). Кызык, ике номинациядә дә беренче урында АКСКиМ йөртүчеләре, ә икенче урында ГРЭС йөртүчеләре булдылар.
Көннең болытлы һәм җилле булуына да карамастан, бәйгене оештыручыларның һәм катнашучыларның кәефләре күтәренке иде. Бүләкләү тантанасын ЮХИДИ бүлеге начальнигы Эдуард Фәйзрахманов һәм башкарма комитет җитәкчесенең инфраструктур үсеше буенча урынбасары Роман Миннивәлиев җитәкчелек иттеләр. Җиңүчеләргә алар мактау грамоталары һәм акчалата приз, ә калган катнашучыларга юаткыч призлар тапшырдылар. Номинация җиңүчеләре тиздән Казанга якташлар слетына китәчәкләр һәм аларга тантаналы шартларда төп призлар тапшырылачак.
Бәйгене оештыручылар барлык катнашучыларга, предприятие директорларына рәхмәт сүзләре җиткерделәр. Аерым рәхмәт сүзләре – бәйге этапларын компьютер классында һәм янәшәдәге территориядә үткәрергә мөмкинлек биргәне өчен РОСТО (ДОСААФ) җитәкчелегенә.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International