Урыссуда мөселман хатын-кызлары арасында Коръән уку буенча Бөтенроссия бәйгесе узды
Анда Оренбург, Пенза, Төмән һәм Чиләбе өлкәләреннән, Башкортостан һәм Мордовия республикаларыннан, шулай ук Татарстанның төрле районнарыннан 50 гә якын гүзәл зат катнашты. Иң яшь катнашучыга - 6, иң олысына 47 яшь иде.
Катнашучыларның чыгышларын компетентлы жюри бәяләде, аның барлык әгъзалары да Коръән хафизлары иде. Финал укулары нәтиҗәләре буенча «Коръәннең дүрт җүзен яттан белү» номинациясендә Магнитогорскидан килгән 12 яшьлек Омина Сатторова иң яхшысы дип табылды. Ул бәйгенең төп призы – умруга (кече хаҗ) юллама белән бүләкләнде.
"Өч җүзне яттан белү" номинациясендә Түбән Камадан Зәйнәб Хәйретдинова беренче урынны алды. Җиңүчеләргә һәм катнашучыларга ноутбуклар, кәрәзле телефоннар, көнкүреш техникасы, китаплар һәм башка бүләкләр тапшырылды.
Бәйгедә Россия гражданнары булган теләсә кайсы яшьтәге мөселманнар катнаша ала иде. Шул ук вакытта, алар Коръәнне яки Коръән-хафизларны өйрәнү үзәкләрендә белем алучы студентлар булырга тиеш түгел иде.
http://yutazy.ru/photo/v-urussu-proshel-vserossiyskiy-konkurs-chtetsov-korana-sredi-musulmanok