Бүген Ютазы район хакимиятендә узган оператив киңәшмәдә бүләкләүләр аз булмады

2020 елның 27 гыйнвары, дүшәмбе

Цифрлы эфир телетапшыруына күчүдә халыкка ярдәм күрсәткәннәре өчен Татарстан Республикасы дәүләт идарәсенең Цифрлы үсеш, мәгълүмати технологияләр һәм элемтә министрының рәхмәт хатлары белән бүләкләнделәр: башкарма комитетның инфраструктура үсеше бүлегенең баш белгече Вероника Андреева, башкарма комитетның мәгариф бүлеге методисты Нина Якимова , Иске Урыссу урта мәктәбе укытучы-оештыручысы Илшат Хәбиров.

Билбау көрәше буенча спорт мастерлыгына кандидат Милена Зиннуровага Ютазы муниципаль районы башлыгының рәхмәт хаты тапшырылды.

Киңәшмәдә, шулай ук, яңа кадрлар билгеләнде: Әбсәләм авыл җирлеге башлыгы вазыйфаларын башкаручы итеп Гөлназ Кубашева, Бәйрәкәтамак авыл җирлеге башлыгы вазыйфаларын башкаручы Вилдан Садретдинов билгеләнде.