Төбәгебезнең байлыгы - аның кешеләре

2012 елның 26 ноябре, дүшәмбе
Узган шимбәдә Казан шәһәренең Кәрим Тинчурин исемендәге театрында ютазылыларның районда туып-үскән якташлар белән очрашулары узды.
Әлеге чарага районда җентекләп әзерләнделәр. Чөнки район якташларының мондый киң масштабта очрашулары инде күптән булганы юк иде. Зарыгып көткән 24 ноябрь - шимбә көненең иртәнге сәгатендә берничә автобуска урнашкан делегация башкалага юнәлде.
Театр фойесында район бюджетын тәшкил итүче предприятиеләр: “Электросоединитель” ААҖ, “ТГК Урыссу ГРЭС”ы ЯАҖ, Урыссуның тимер-бетон эшләнмәләр заводы, “Бетон+” ҖЧҖ, “Урыссу химия заводы” ЯАҖ, “Әпсәләм төзелеш конструкцияләре һәм материаллары комбинаты” ҖЧҖ, Урыссу электромеханика заводы күргәзмә оештырдылар. Балалар иҗат үзәге тәрбияләнүчеләренең кул эшләре һәм авыл хуҗалыгы күргәзмәләре кунакларның игътибарларын үзләренә җәлеп итеп тора иде.
Урам яктагы ишектә чакырылган кунакларны каршы алдылар. Дан казанган профессорлар, фәнни хезмәткәрләр, мәдәният хезмәткәрләре һәм башка якташлар, студентлар, яшьләр очрашуга чакырудан бик канәгать булдылар. Аларның барсын да театр сәхнәсеннән район башлыгы Рөстәм Нуриев сәламләде. Ютазылыларга мөрәҗәгать итеп, ул   районның төп байлыгы – монда туып-үскән, хәзер биредә һәм читтә яшәгән, хезмәтләре белән туган төбәкләрен данлаган аның кешеләре икәнлеген ассызыклап узды.
Бу көнне район үсешенә һәм иминлегенә керткән зур шәхси өлешләре өчен зур сәхнәдән түбәндәге ютазылыларны котладылар: Рәмзия Хәкимова – “Җирле үзидарәне үстерүдә ирешкән уңышлары өчен” медаленә ия булды, Атлас Гайнетдинов – Республиканың Авыл хуҗалыгы һәм азык-төлек министрлыгының рәхмәт хаты белән бүләкләнде, Гөлүсә Дәүләтшинага - ТР Авыл хуҗалыгы министрлыгының мактау грамотасы тапшырылды, Мәүзир Латыйпов, Рәиф Хәмидуллин - ТР Мәдәният министрлыгының мактау грамоталарына ия булдылар, Светлана Ямаева, Людмила Шакирова – ТР Төзелеш министрлыгының мактау грамоталары белән бү-ләкләнделәр, Илдус Могыйновка – Сәламәтлек саклау министрлыгының мактау грамотасы тапшырылды. Производствода ирешкән күрсәткечләре һәм район авыл хуҗалыгы производствосына керткән шәхси өлешләре өчен Тукай исемендәге ҖЧҖ механизаторлары Марсель Йосыпов һәм Наил Зәйдуллин, “Нур” КФХ комбайнчысы Рәсим Әхмәтшин район башлыгының рәхмәт хатлары белән бүләкләнделәр; Тукай исемендәге ҖЧҖ     терлекчесе Эльмира Зарипова, “Нур” КФХ терлекчеләре Абдулла Хәбибуллин һәм Наил Фәттахов, “Кәрәкәшле” ҖЧҖ механизаторы Нәфис Миңнегалимов, “Нәбиуллин” КФХ бозау караучысы Роза Зиатдинова һәм “Кәрәкәшле” ҖЧҖ бозау караучысы Зөлфия Сәгыйтова район советының мактау грамоталары белән бүләклән-деләр. Аларны район башлыгы Рөстәм Нуриев, Татарстан Республикасы буенча Россия авыл хуҗалыгы күзәтчелеге Идарәсе җитәкчесе Нурислам Хәбипов, район башкарма комитеты җитәкчесе Андрей Подовалов бүләкләделәр.
Җыелганнар алдында кунаклар да, аерым алганда, Баулы районы башлыгы Альберт Хәбибуллин чыгыш ясады. “Хөрмәтле ютазылылар, әлеге тарихи залда игелекле күршеләремне сәламләргә шатмын. Безнең ике район мөстәкыйль рәвештә яши башлаганга егерме елдан артык вакыт узды. Әмма бу еллар безне дуслык, тату мөнәсәбәтләр белән баетты. Ләкин, күпме генә вакыт узса да, без, баулылылар Ютазы ветераннарының Баулы районы үсешенә керткән өлешләрен истә тоттык һәм алга таба да моны онытмаячакбыз, һәм, баулылар ютазылылардан сабак ала килделәр. Үткәнне искә төшерик: бүген Баулы игенчеләре авыл хуҗалыгы производствосының бик яхшы җитәкчеләрен – Гайсә Йосыповны – Карл Маркс исемендәге колхоз, Кәшиф Кәтиевны – Фрунзе исемендәге колхоз, Мәүлетҗан Абдуллинны – “Коммунизмга” колхозы, Назыйф Хәлиуллинны – Киров исемендәге колхоз, сәнәгатьтә – “Әпсәләм төзелеш конструкцияләре һәм материаллары комбинаты” директоры Богдан Сегинны истә тотабыз. Һәм якташлык истәлекләребез сакланып калуына һәм аларны киләчәк буыннарга тапшырырга ярдәм итәргә тиеш, ә без исә һәрвакыт кече ватаныбызның кадерен белеп яшибез.” Баулы районы башлыгы очрашуга бүләк белән килеп, кымызханә турында истәлек итеп, район җитәкчелегенә чаба торган атлар картинасын бүләк итте.
Үз чиратында Нуриев Татарстан Республикасы Авыл хуҗалыгы һәм азык-төлек министрлыгы вәкиленә балалар иҗат үзәгенең түгәрәк җитәкчесе Ирина Абрамова чиккән Кол Шәриф мәчете сурәте төшерелгән картина тапшырды. Рөстәм Мидхәт улы билгеләп узганча, картина 80 меңнән артык сәйләннән тора.
Әмма бердәм икмәк белән генә кеше яши алмый. Бу көнне ютазылылар Рөстәм Абязов җи-тәкләгән “La Primavera” Казан Дәүләт камера оркестрына, Казан һәм район артистларына рәхәтләнеп кул чаптылар.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International