Район белем бирү учреждениеләре җитәкчеләренең семинар-киңәшмәсе

2012 елның 28 ноябре, чәршәмбе
28 ноябрьдә Урыссу гимназиясендә район башлыгы Р.Нуриев катнашында район белем бирү учреждениеләре җитәкчеләренең семинар-киңәшмәсе булып узды.
Киңәшмәне социаль мәсьәләләр буенча башкарма комитет җитәкчесе урынбасары Г. Белалова алып барды. Семинар “Милли-мәдәни традицияләргә нигезләнеп укучыларга белем һәм тәрбия бирү” исеме астында үтте. Шулай да тикшереләсе мәсьәләләр шактый киң иде. Киңәшмәдәгеләр быелгы уку елының беренче чирегендә 11 сыйныфлар мониторингы һәм 4,6,8,10 сыйныфларның узган уку елындагы мониторинг тикшерүләрнең нәтиҗәләре белән таныштылар. Гимназия укучылары семинарда катнашучыларны ана телендә сәламләделәр. Семинар барышында кунакларга 10 предмет буенча мастер-класслар тәкъдим ителде. Һәр укытучы үзенең белем хәзинәсе белән уртаклашты. “Исемең матур, кемнәр куйган?” театр-миниаатюрасы күпләрнең күңеленә хуш килде.  
Шулай да мәгариф өлкәсендә җитешсезлекләр дә бар. Ничек кенә булмасын ул бердәм дәүләт имтиханнары (ЕГЭ) һәм дәүләт йомгаклау аттестацияләре (ГИА) белән бәйләнгән. Мәгариф бүлеге начальнигы С.Абрамов мәгълүматлары һәм 11 сыйныфларда үткәрелгән рус теле һәм математика мониторингы буенча,  математикадан иң яхшы нәтиҗәләр өченче санлы Урыссу мәктәбендә һәм Урыссу гимназиясендә, иң начары – Бәйрәкә һәм Каразирек мәктәбендә. Рус теле буенча Ютазы мәктәбе алда бара, калышалар-Бәйрәкә һәм Иске Урыссу мәктәбе. Район башлыгы педагогларның игътибарын һәр балага шәхси якын килү кирәклегенә юнәлтте. “Алда торган имтиханнарга әзерлекне бүгеннән башларга кирәк, уйланып торырга безнең вакыт юк”,- дип асызыклады Рөстәм Мидхәтович. Декабрь аенда Бәйрәкә һәм Каразирек мәктәпләренә өстәмә сынау (ЕГЭ) үткәрергә тәкъдим ителде. Предмет олимпиадаларына әзерләнгәндә күрше район педагогларын җәлеп итәргә тәкъдим ясады. Мондый тәҗрибә нәтиҗәсез була алмый, дип йомгаклады ул.
Киңәшмәдә шулай ук мәгълүмати-методик үзәк (ИМЦ) директоры Ф. Сәлимова, икенче санлы Урыссу балалар бакчасының татар теле тәрбиячесе Л. Солтанова, ММҮ методисты С. Хәбибуллина чыгыш ясадылар.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International