Безнең районда эш визиты белән ТР ЭЭМ ЮХИДИ идарәсе начальнигы

2012 елның 30 ноябре, җомга
Бүген безнең районда эш визиты белән ТР ЭЭМ ЮХИДИ идарәсе начальнигы полиция полковнигы Рифкать Миңнеханов булды.
Ютазы районына үзенең визитын Рифкать Нургалиевич гражданнарны кабул итүдән башлады. Кабул итүгә алты ютазылы язылган иде. Республиканың баш дәүләт инспекторына шәхси сораулар белән генә түгел, ә район халкын дулкынландырган сораулар белән дә мөрәҗәгать иттеләр. Миңнеханов бер сорауны да игътибарсыз калдырмады.
Эш визиты моның белән генә тәмамланмады. Соңрак ул полиция бүлегенең актлар залында ЮХИДИ хезмәткәрләре, участок полиция хезмәткәрләре һәм балигъ булмаганнар эшләре буенча бүлекчә хезмәткәрләре белән очрашты. “Мин кемне дә булса тәнкыйтьләргә яки ачуланырга килмәдем,- дип ассызыклады идарә башлыгы. – Мине бүлекчәдә эшнең ничек куелуы, коллектив ничек яши, юл хәрәкәте иминлеге буенча нинди резервлар барлыгы һәм башка күп нәрсә кызыксындыра. Безнең төп максат – республикабыз юлларын куркынычсыз итү.” Моннан соң Миңнеханов бүгенге көндә яшәп килүче проблемалар һәм аларны чишү юлларын әйтеп китте. Шулардан берсе - бу республика юлларында үлем очраклары. Киңәшмәдә шулай ук район башлыгы Рөстәм Нуриев та катнашты. Визитының азагында Рифкать Миңнеханов Урыссу бистәсендәге ЮХИДИ бинасын карап чыкты.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International