Район мәдәният йортында К. Тинчуринның 125 еллыгына багышланган бәйгенең финалы булып узды

2012 елның 3 декабре, дүшәмбе
Район мәдәният йортында К. Тинчуринның 125-еллык юбилеена багышланган бәйгенең финалы булып узды.
Бәйге белем бирү учреждениеләре арасында уздырылган иде. Укучылар төрле номинацияләрдә үзләрен сынадылар: бу  театральләштерелгән тамаша (К. Тинчурин спектакльләреннән  өзек күрсәтү), монолог, дуэт. Мәктәпләр бәйгегә ныклап әзерләнгән. Бу аларның үз-үзләрен сәхнәдә тотышларыннан, сәнгатьлелектә, һәм ничек итеп күңел биреп уйнауларында бик ачык күренде. Шулай итеп, монолог номинациясендә татар мәктәпләре арасында беренче урын лаеклы рәвештә Акбаш мәктәбенең 6 сыйныф укучысы Камаев Ринатка бирелде, ә рус мәктәпләреннән беренчелек Ютазы мәктәбенең 10 сыйныф укучысы Миннеханова Илүзәдә.  Иң яхшы дуэт номинациясендә Иске Урыссу укучылары җиңеп чыктылар. Театральләштерелгән тамаша номинациясе буенча урыннар түбәндәгечә бүленде. Татар мәктәпләре арасыннан беренче урын Кече Урыссу мәктәбендә, икенче урын Бәйрәкә мәктәбе, ә өченче урында Иске Урыссу укучылары. Рус мәктәпләрендә исә беренче урын Урыссу 3 санлы мәктәбе укучыларында. Әйтергә кирәк 10-11 сыйныф укучылары уйнаган “Сүнгән йолдызлар” спектакленнән өзек чын артистлар уйнаганга тиң иде.  Бер дә рус мәктәбе укучылары уйнаган димәссең. Афәрин диясе генә кала. Икенче һәм өченче урынны Әбсәләм һәм Ютазы мәктәбе укучылары бүлеште.  
Информацион-методик үзәкнең милли эшләр буенча методисты С. Хәбибуллина укучыларның һәрберсенә катнашканнары өчен рәхмәт сүзләре җиткерде, шулай ук 2011-2012 уку елында узган “Зирәк тиен” Бөтенроссия  уен-бәйгесендә катнашып призлы урыннар алган укучыларга дипломнар һәм сертификатлар тапшырды. Конкурста катнашкан бер генә коллектив та дипломнарсыз китмәде. 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгатьләре
Телефон: 8 (85593) 2-42-15
Факс: 8 (85593) 2-80-13
E-Mail: adm_jutaza@mail.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International