Үзәк китапханәнең уку залында “Үлемсезлеккә ташлану “ дип исемләнгән батырлык дәресе үткәрелде
Патриотизм, үз илең, халкың һәм аның геройлары өчен горурлык хисе тәрбияләү максатыннан бүген Үзәк китапханәнең уку залында мөмкинлекләре чикле балалар өчен Урыссу интернат - мәктәбенең 9 сыйныф укучылары өчен батырлык дәресе үткәрелде. Чара Александр Матросов турында тарихи истәлекне саклау максатыннан «Иксез-чиксез уку» III төбәкара акциясе кысаларында узды.
Хезмәт күрсәтү бүлеге мөдире Гөлшат Ризванова укучыларга һәр россияле белгән каһарманның үлемсез батырлыгы турында сөйләде. Тыңлаучылар Александр Матросовның чын исеме – Башкортостан Республикасының Учалы районы Кунакбай авылында туган Шакирҗан Юныс улы Мөхәммәдҗанов турында белделәр.
Чара барышында П.Журбаның «Александр Матросов» китабыннан өзекләр укылды, Александр Матросовка багышланган шигырьләр яңгырады. Бигрәк тә Александр Матросовның үлем алдыннан яраткан кызына язган хатын укып күрсәттеләр: «...Әгәр минем язмышыма сугышта һәлак булу язылган икән, безнең генерал кебек сугышта һәм йөземне көнбатышка борып үләргә теләр идем...» Псков өлкәсенең Чернушка авылында кылынган каһарманлык турында , шулай ук «А.Матросовның батырлыгын реконструкцияләү» һәм «1954 елда А. Матросовка һәйкәл ачу» дигән видеоролик күрсәтелде. Чарадан балалар аның Ватан хакына батырлыгы хәрби рухны формалаштыруга, геройларның үз-үзләрен корбан итүгә әзерлегенә зур йогынты ясавын белделәр. Чара «Рядовой Александр Матросов» нәфис фильмыннан өзек карау белән тәмамланды.