Ютазы районында юл хәрәкәте иминлеге комиссиясе утырышы узды

2020 елның 4 сентябре, җомга

Төп мәсьәлә транспорт оешмаларын һәм коммуналь оешмаларны кышкы чорда район юл челтәрен эксплуатацияләүгә әзерләү булды.

Ютазы районы юлларында 2020 елның 6 ае эчендә авариялелек торышына анализ ясалды. Узган ел белән чагыштырганда юл- транспорт һәлакәтләре саны артуы билгеләнде: ярты ел эчендә алты зыян күрүче белән 5 авария булган, һәлак булучылар булмаган, 2019 елның шул ук чорында - 3 юл-транспорт һәлакәте, 1 һәлак булучы теркәлгән, 5 кеше җәрәхәтләнгән.

Сүз шулай ук автомобиль транспортында пассажирлар ташу, районның тимер юл аркылы чыгу урыннарында хәрәкәт иминлеген тәэмин итү буенча башкарыла торган эш турында да барды.