Интеллектуаль эшлекле киңлек - «ТАТАРСТАН 100%»
2020 елның 30 августыннан 10 сентябренә кадәр эфирда Россиянең иң инновацион төбәге тәҗрибәсе турында масштаблы онлайн-чара һәм партнерлар һәм экспертлар белән аралашу өчен коммуникацион платформа. Бердәнбер ике атналык вакыйга мәйданчыгы - һөнәри үсеш өчен бизнес-интенсив синергия һәм тәҗрибә уртаклашу, инвесторлар һәм фикердәшләр эзләү өчен киңлек. «Татарстан 100% » – Татарстанның стратегик үсешенең төп темаларын ачык тикшергән гражданнарны, бизнес, хакимият вәкилләрен һәм алдынгы экспертларны берләштерә торган коммуникацион платформа.
«Хәзерге тормыш бездән партнерлар белән мөнәсәбәтләрне коруда стандарт булмаган алымнар таләп итә. Бу мәйданчык, асылда, бүген ябык чикләрне ачарга тиеш. Ә турыдан-туры онлайн эфирлар республиканың һәр кешесенә Татарстанның киләчәген төзүдә катнашу мөмкинлеге бирәчәк", - дип билгеләп үтте республика Президенты Рөстәм Миңнеханов.
Форум программасы 21 юнәлеш буенча 100дән артык сессияне үз эченә ала, болар-IT-индустрия, мәгариф, медицина, авыл хуҗалыгы, туризм, циркуляр икътисад, инвестицияләр һәм эшмәкәрлек, биотехнологияләр һ.б.
«Коронавирус авыруыннан соңгы дөньякүләм вәзгыять эшнең яңа форматларын таләп итә. 2020 елгы чараларның күбесе бөтенләй гамәлдән чыгарылды яки онлайнга күчерелде. Республиканың барлык онлайн вакыйгаларының синергетик нәтиҗәсенә ирешү өчен без Татарстанның әйдәп баручы юнәлешләре буенча онлайн-платформа булдыру турында карар кабул иттек, - дип билгеләде ТР Инвестицион үсеш агентлыгы җитәкчесе Талия Миңнуллина. – Соңгы дистә елларда Татарстан җәмгыять тормышының барлык өлкәләрендә диярлек уникаль тәҗрибә туплады, һәм безгә төрле тармаклар буенча масштаблы консорциумнар булдыру мөһим. «Татарстан 100% " конструктив диалог урнаштыру, экспертлар бергәлеген үстерү һәм эшлекле элемтәләрне ныгыту өчен мәйданчык булачак". Бөтен дөнья катнашучылары трансляциягә www.100tatarstan.com. сылтамасы буенча бушлай керә алачак. Нәкъ менә сезгә кызыклы булган чыгышларны күрү өчен карауга кушылыгыз. Эшлекле программа шулай ук инглиз һәм татар телләренә синхрон тәрҗемә белән тәкъдим ителәчәк. Онлайн-студиянең өзлексез эшләве экспертларга сораулар бирергә һәм реаль вакыт режимында оператив рәвештә җаваплар алырга мөмкинлек бирәчәк.
Оештыручылар: Татарстан Республикасы Хөкүмәте
Оператор: ТР Инвестицион үсеш агентлыгы
Генераль партнер: Ак Барс Банк
Генераль мәгълүмати партнер: ТАСС