Ютазы районында исерек шофер юл-транспорт һәлакәтенә юл куйды
Исерек машина йөртүче автомобиль белән идарә итә алмый, нәтиҗәдә, пассажир хатын-кыз зыян күрә.
2020 елның 21 сентябрендә, 15 сәгатьтә, Урыссу-Октябрьский автомобиль юлының 2 нче чакрымында Ютазы районында яшәүче, XYUNDAI автомобиле хуҗасы, исерек хәлдә транспорт чарасы белән идарә иткәндә, юл хәрәкәте иминлеген тәэмин итүче тизлекне сайламый, транспорт чараларының машина йөрү өлешендә урнашу кагыйдәләрен боза һәм кюветка әйләнеп төшә.
Һәлакәт нәтиҗәсендә автомобиль пассажиры зыян күрә, ул Урыссу үзәк район хастаханәсенең хирургия бүлегенә хастаханәгә салына. Шофер үзе зыян күрми.
Закон нигезендә, алар гаебе белән юл-транспорт һәлакәте булган, кешеләр үлгән яки зыян күргән исерек шоферларга карата җәза каралган. Юл-транспорт һәлакәтендә кеше сәламәтлегенә авыр зыян китергән исерек шоферга биш елга кадәр мәҗбүри эш рәвешендә җәза бирелә яки аңа өч елга кадәр билгеле эшчәнлек белән шөгыльләнү тыела, яки ул өч елдан җиде елга кадәр ирегеннән мәхрүм ителә (РФ ҖК 264 ст.2 өлеше).