РОССИЯДӘГЕ ЯШЬЛӘР НИСБӘТЕ НИЧЕК ҮЗГӘРӘ
1939 елгы Бөтенсоюз халык санын алу күрсәткәнчә, Советлар Союзында 47,5 млн яшь кеше яшәгән, шуларның 23,2 млны егетләр һәм 24,3 млны кызлар. Ягъни, ул чакта ук кызлар, статистика буенча, бераз күбрәк булган. Киләсе халык санын алу 20 елдан соң гына үткәрелгән һәм ул Бөек Ватан сугышыннан соң, тулаем алганда, яшьләр буенча демографик күрсәткечләрнең ничек торгызылуы турында бәян итә. Бернигә дә карамастан, СССРда сугыштан соңгы беренче халык санын алу нәтиҗәләре буенча (1959 ел, сугыштан соң 14 ел узгач) исәпкә алучылар 53,1 млн яшь кешене исәпләгән, шул исәптән 26,4 млн егет һәм 26,8 млн кыз. Шунысы игътибарга лаек, аларның гаилә кыйммәтләренә карашлары төрле булып чыга. Ул вакытта рәсми никахта 19,9 млн кеше (бөтен яшьләрнең 37%ы) тора, әмма саннар тигез түгел: 11,5 млн кыз (аларның 447сенә — 14 яшь була) үзләрен кияүдә дип санаган, ә нибары 8,4 млн яшь кеше (аларның 14- яшьлекләре - 175 кеше) өйләнгән булган. Шунысын да әйтергә кирәк, ике исәпкә алу вакытында Советлар Союзының 14 яшьтән алып 28 яшькә кадәрге барлык кешеләре яшьләр дип санала, өстәвенә, соңгы чик саны комсомол яше тәмамлану белән тәңгәл.
Хәзерге Россиядә яшь кысалары күчте. Хәзерге вакытта бездә 2025 елга кадәр РФ Дәүләт яшьләр сәясәтенең рәсми нигезләре бар, алар буенча «яшьләр — 14тән 30 яшькә кадәрге затларны үз эченә алган төркем». Шул ук вакытта югары яшь чиге түбәндәгедән аермалы буларак бернигә дә бәйле түгел: 14 яшьтән җинаять җаваплылыгы башлана (СССРда 1935 елдан җинаять җаваплылыгы 12 яшьтән башланган).
2010 елгы халык санын алу илдә 14 яшьтән алып 30 яшькә кадәрге яшьләрнең 36,3 млн кеше: 18,4 млн егет һәм 17,9 млн кыз булуын күрсәткән. Уртача алганда, РФдә 1000 егеткә 978 кыз туры килгән, шул ук вакытта ил буенча 1000 ир-егеткә 1163 хатын-кыз туры килгән. Димәк, XX гасыр уртасыннан яшьләрнең җенесләр нисбәте сизелерлек үзгәргән, һәм хәзер ир- атлар никадәр яшьрәк булган саен, алар арасында лаеклы кыз һәм тормыш юлдашы булырлык кыз сайлауда, сугыштан соңгы чорлардан аермалы буларак, көндәшлек югарырак дигән сүз. 2010 елда рәсми никахта 9,6 млн егет һәм кыз (бу инде бөтен яшьләрнең 30%ы) торган, әмма бу санны ике җенес тә бертигез бүлешмәгән: үзләрен — 5,5 млн кыз кияүдә санаган, ә нибары 4 млн яшь ир-егет өйләнгән саналган.
Тайпылышлар кимегән, әмма факт - факт булып кала: егетләр ирекне кызларга караганда күбрәк ярата.