“Төзелеш” программасы буенча ташламалы финанслауга гаризалар кабул итү төгәлләнә
1 декабрьгә кадәр ТР Икътисад министрлыгы «Төзелеш» программасы буенча финанс ярдәме алу өчен гаризалар кабул итә.
Әлеге программа кысаларында идарәче компанияләргә һәм сәнәгать парклары һәм мәйданчыклары резидентларына инженерлык инфраструктурасын, биналарны һәм корылмаларны төзү, модернизацияләү һәм (яки) реконструкцияләүгә 30 млн. сумга кадәр кредит бирелә (Татарстан Республикасы Гарфонды гарантиясе белән 50% ка кадәр). Микрофинанс продуктының срогы - бер елдан биш елга кадәр, төп бурычны түләү буенча бер елга кичектерү мөмкин.
Микрозайм алу өчен Татарстан Республикасы Эшкуарлыкка ярдәм итү фондына түбәндәге адрес буенча мөрәҗәгать итәргә кирәк: Казан ш., Петербург ур., 28 йорт, федераль максатчан программаның районнардагы төбәк вәкилләренә. Консультацияне кайнар линия телефоны буенча алырга мөмкин: (843) 524-90-90.
«Төзелеш» программасы 2020 елның августында кабул ителгән өстәмә ярдәм чаралары пакетына керде һәм Татарстан Республикасында «кече һәм урта эшкуарлык һәм индивидуаль эшкуарлык инициативасына ярдәм» милли проекты күрсәткечләренә ирешүгә юнәлдерелгән.