Кышкы каникулларның соңгы көнендә балаларга кунакка Кыш Бабай һәм Кар кызы килде

2021 елның 10 гыйнвары, якшәмбе

Бүген, 10 гыйнварда, кышкы каникулларның соңгы көнендә, балаларга кунакка Кыш Бабай һәм Кар кызы килде.

Төп геройлар белән бергә балалар флешмоб биеделәр, табышмаклар чиштеләр, хоккей, паровозлы уйнадылар. Аяклары бәйле килеш, әмма бер-берсенә ярдәм итеп, кар көртләреннән бардылар.

Кыш Бабай кечкенәләрне хәтта өшетергә тырышты, әмма алар бирешмәде.

Ахырда барысы да әйлән-бәйләнгә бастылар һәм барыбыз да яраткан "В лесу родилась елочка" җырын башкардылар.

Китәр алдыннан Кыш бабай балаларга нык сәламәтлек, яхшы кәеф һәм укуларында уңышлар теләде.