Бүген, 2 февраль - Сталинград сугышында совет гаскәрләренең немец-фашист илбасарларын тар-мар итүе көне
72 ел элек - 1943 елның 2 февралендә – кешелек тарихында иң канкойгыч сугышларның берсе - Сталинград өчен алыш тәмамлана. Бу Гитлер оккупантларының һәм бөтен Өченче рейхның чигенә башлануын аңлауны раслый. Идел ярларында Кызыл Армиягә каршы торган подразделениеләр, шул исәптән немец, румын, венгр, хорват, итальян һәм фин армияләре («ирекле» отрядлары) солдатларын да кертеп, камап алына һәм тар-мар ителә. Бөек Сталинград көрәшендә батырлыклары өчен 125 сугышчы Советлар Союзы Герое исеменә лаек була. Тагын дүрт кызылармияче инде бу дәһшәтле яудан соң - 90 нчы һәм 2000 нче еллар башында ук Сталинградта хәрби батырлыклары өчен Россия Федерациясе Герое исеменә лаек була.
Россиядә 2 февраль көне, 1995 елгы Президент Указы нигезендә, Хәрби дан көне рәсми статусын алды. Бу көнне Волгоград, шәһәрне фашист илбасарларыннан азат итүгә багышланган тантаналар үзәгенә әверелә. Совет инфраструктурасын өзү һәм Кавказ нефтенә керү мөмкинлеге алу, Гитлер фикеренчә, Советлар Союзын җиңүнең билгеле бер ноктасы булырга һәм Кызыл Армия Мәскәү янындагы алышларда каты сабак биргән немец-фашист подразделениеләренә ышаныч өстәргә тиеш була.
Әмма фашист илбасарларына планнарын тормышка ашыру насыйп булмый.
Сталинградны, Ватанны саклаучыларга мәңгелек дан!