“Без янгын белән көрәшүчеләр”
Янгын сүндерү хезмәтенең 45 еллыгын бәйрәм итүгә багышланган бәйрәм концерты кичә мәдәният йортында узды. Чара башында район башлыгы Аяз Шәфигуллин барлык янгын сагы хезмәткәрләрен һәм ветераннарны бәйрәм белән котлады, аларга халыкны янгыннардан һәм ут чыгулардан саклау буенча фидакарь хезмәтләре өчен рәхмәт белдерде. Ул янгын часте хезмәткәрләренә - рәхмәт хатлары һәм янгын часте башлыгы Фәнил Солтановка юбилей флагын тапшырды.
Тантаналы чара мәдәният йортының иҗат коллективы әзерләгән бәйрәм концерты белән дәвам итте.
Алга таба, традиция буенча, бу көнне иң яхшы хезмәткәрләр медальләр, мактау грамоталары һәм рәхмәт хатлары белән бүләкләнде.
"Коткаручылар көн саен янгын стихиясен буйсындыруга, гадәттән тыш хәлләрдән арынуга үз тормышларын куркыныч астына куеп бара. Сезне һөнәри бәйрәмегез белән котлыйсым һәм күп рәхмәт сүзләре җиткерәсем килә. Безнең коткаручылар - иң әһәмиятлесе — кешеләр тормышын саклап калу өстендә бердәм һәм нәтиҗәле эшли ала торган бердәм система", - дип ассызыклады Башкарма комитет җитәкчесе Светлана Самонина.
Белешмә: хәрбиләштерелгән янгын часте 1975 елның 19 сентябрендә төзелә, аның башлыгы итеп Мөфәсир Фәхретдинов билгеләнә, ә 1984 елдан бүлекне Александр Федоров җитәкли. 1992 елда, янгын часте, бөтен илдәге кебек үк, авыр вакытлар кичерә һәм аны ябу куркынычы килеп баса. Александр Федоров һәм район Советы башкарма комитеты рәисе Владимир Горбунов тырышлыгы белән генә районда хәрби сәләтле янгын часте булдыру кирәклеген исбатлауга ирешәләр. Шулай итеп, Урыссу поселогында 42 нче санлы хәрбиләштерелгән янгын частен булдыру турында карар кабул ителә. 1993 елда җитәкче итеп Нәфис Гатауллин билгеләнә. Алар барысы да игелекле эшкә үз өлешләрен керткән затлар. Хәзерге вакытта янгын частен бу көнне майор исемен алган Фәнил Солтанов җитәкли.
Тулырак мәгълүмат: http://yutazy.ru/news/tema-dnya/ogon-i-dym-my-pobedim