Бүген Ютазы муниципаль районы юлларында юл хәрәкәте иминлеген тәэмин итү буенча комиссия утырышы узды
Бүген Ютазы муниципаль районы Башкарма комитеты җитәкчесе Светлана Петровна Самонина, "Юл хәрәкәте иминлеге" ДБУның Әлмәт шәһәрендәге филиалы башлыгы Сергей Николаевич Сураев, "Юл хәрәкәте куркынычсызлыгы" ДБУ Әлмәт шәһәрендәге территориаль бүлекнең Баулы районындагы профилактика бүлеге башлыгы Рәзидә Ильсур кызы Игнатьева катнашында Ютазы муниципаль районы юлларында юл хәрәкәте иминлеген тәэмин итү комиссиясе утырышы үткәрелде.
Комиссиядә 2020 елда район юлларының торышын анализлауга, 2020 елга муниципаль максатчан программаларның үтәлешен анализлауга, 2020 елда юл-транспорт һәлакәтендә зыян күрүчеләргә медицина ярдәме күрсәтүгә һәм аның нәтиҗәлелегенә, 2020 елда балалар юл-транспорт имгәнүләрен профилактикалау эшен анализлауга кагылышлы мәсьәләләр, шулай ук кышкы чорда юлларны карап тоту соравы каралды.