“Халык контроле” хезмәт законнары өлкәсендә закон бозулар буенча мөрәҗәгатьләр кабул итә башлады
Республикада «соры» хезмәт базары» юнәлеше буенча «Халык контроле» дәүләт мәгълүмат системасына тиешле мөрәҗәгать бирү юлы белән формаль булмаган мәшгульлек, рәсми булмаган хезмәт хакы түләү фактлары турында хәбәр итү мөмкинлеге барлыкка килде. Халык хезмәткәрләренә «соры» хезмәт хакы (тулысынча яки өлешчә) түләнә торган һәм билгеләнгән тәртиптә хезмәткәрләр белән хезмәт мөнәсәбәтләрен рәсмиләштермәгән эш бирүчеләр турында хәбәр итә ала.
Әлеге чара кулланучылардан «Халык контроле» дәүләт мәгълүмат системасына кергән әлеге хәбәрнамәләр буенча, хезмәткәрләр белән билгеләнгән тәртиптә хезмәт мөнәсәбәтләрен рәсмиләштермәгән һәм «соры» хезмәт хакы түләүче эш бирүчеләрне ачыкларга, аларга карата йогынты чаралары күрергә, шул исәптән республикада формаль булмаган мәшгульлекне киметү буенча алып барыла торган эш кысаларында да, мөмкинлек бирәчәк.
Моннан тыш, «Халык контроле» ТР Дәүләт Мәгълүмат Системасына гражданнарның эш урыннарында куркынычсыз хезмәт шартларын оештыру проблемалары буенча да мөрәҗәгатьләр кабул ителә.
Шулай ук исегезгә төшерәбез, районда «соры» хезмәт хакларына каршы көрәш буенча «кайнар» линия телефоны эшли: (885593)2-74-97. Барлык кергән шалтыратулар белгечләр тарафыннан анализлана, ә алынган мәгълүмат керемнәрне легальләштерү буенча территориаль комиссия оешмаларында күчмә тикшерүләр үткәргәндә кулланыла.