Үзәк балалар китапханәсендә балалар шагыйрәсе Агния Бартоның тууына 115 ел тулу уңаеннан «Иглеклелек шигърияте» дип исемләнгән әдәби сәгать узды
Үзәк балалар китапханәсендә балаларга күп матур шигырьләр бүләк иткән шагыйрә Агния Львовна Бартоның тууына 115 ел тулу уңаеннан «Иглеклелек шигърияте» дип исемләнгән әдәби сәгать үткәрелде. Чарага коррекцион интернат-мәктәпнең 7А сыйныфы укучылары (тәрбияче Солтанбәкова Әлфия) чакырылган иде.
Балалар игътибарына аның китапларында бер генә буын үсмәгән искиткеч хатын-кыз турында хикәят тәкъдим ителде. Аның әсәрләре игелеккә, бар тереклеккә сакчыл карарга өйрәтә, аларда күңел дәрте, шатлык-куаныч күп, алар малайларны һәм кызларны үзләрен ничек тоту, нинди кеше булып үсү турында уйланырга мәҗбүр итә.
Чара барышында А.Барто иҗаты буенча презентация тәкъдим ителде. Укучылар «Угадай-ка» викторинасы сорауларына җавап бирделәр, бу Агния Львовна әсәрләреннән өзекләр буенча аларның исемнәрен әйтергә кирәк булган сораулар иде. Балалар шагыйрәнең «Игра в слова" дип аталган шигырен укыдылар һәм бик теләп пазллар җыйдылар. Чара бик җанлы һәм кызыклы үтте.