Район балалар бакчаларында – Май чабу
12 март көнне Ютазы районының барлык балалар бакчаларында Май чабу бәйрәменә багышланган чара узды. Бу - бик күңелле, “тәмле”, күңел ача торган дәрт тулы көннәр. Май чабу - кышны күңелле озату, табигатьнең язгы яңаруын көтеп алу көннәре. Кояш болыт арасыннан ешрак чыга, һәм инде яздагыча җылыта башлаячак. Чәчәкле яулыклар бәйләгән, йөзләре алсуланган нарасыйлар шат шамакайлар белән бергә әйлән-бәйлән әйләнделәр, бөтен балалар бакчасын күңелле биюгә чакырдылар, ә соңыннан күңелле рус халык уеннарын уйнадылар. Балалар үзләренең зирәклекләрен һәм җитезлекләрен күрсәтергә тырышты, ә кунаклар исә, үз чиратларында, балаларның күңелләрен ачты. Барлык уеннарда да дуслык җиңде! Беркем дә боегып басып тормады, барысы да күңел ачты! Бәйрәм тәэсирләреннән малайлар һәм кызларның күзләре янды, якты эмоцияләрдән йөзләрендә елмаю балкыды.