Хөрмәтле торак-коммуналь хуҗалык өлкәсе хезмәткәрләре!

2021 елның 21 марты, якшәмбе

Һөнәри бәйрәмегез - ТКХ хезмәткәрләре көне белән ихлас котлауларны кабул итегез!

Тормышыбызны уңайлы, якты һәм җылы иткәнегез өчен рәхмәт сезгә!

Сер түгел, ТКХ өлкәсе оешмалары адресына рәхмәт сүзләре еш яңгырамый, кайвакыт көндәлек, мәшәкатьле хезмәтләрен күрүче дә булмый.

Уңайлы, комфортлы тормышыбызга һәм лаеклы көнкүрешебезгә керткән өлешегез өчен ихлас рәхмәтләребезне кабул итеп алыгыз.

Чын күңелдән сезгә зирәклек, ныклык һәм бетмәс-төкәнмәс сабырлык телибез!

Үз көчегезгә ышаныч сезне беркайчан да ташламасын, ә хезмәттәшләрегезнең ярдәме куелган максатларга юлда барлык каршылыкларны җиңәргә ярдәм итсен. Сезгә һәм якыннарыгызга сәламәтлек, бәхет, тынычлык һәм иминлек телим!