Алма-Ата авылында Бөек Ватан сугышында һәлак булган сугышчылар истәлегенә куелган һәйкәл янында митинг узды.

2021 елның 7 мае, җомга

Алма-Ата авылы халкы бүген Бөек Ватан сугышында һәлак булган сугышчылар истәлегенә куелган һәйкәл янына җыелды. Барлык җыелучыларны Ютазы авыл җирлеге башлыгы Рәис Галимов котлады һәм хәзерге буынга ата-бабаларының батырлыгын истә тотарга кирәк, дип билгеләп үтте.

Аннары җыелучылар алдында Ютазы мәктәбе укучылары чыгыш ясады. Алар Бөек Җиңүгә багышланган шигырьләр сөйләделәр, җырлар җырладылар.