«Күп балалы Россия» проекты кысаларында 2021 елда «Сәламәт гаилә – көчле Россия!» спорт фестивале уза
Авыр тормыш хәлендә булган балаларга ярдәм итү Фонды «Мәскәү шәһәренең күп балалы гаиләләре берләшмәсе» РИО белән берлектә «Күп балалы Россия» Бөтенроссия проектын тормышка ашыра. Проект күп балалы гаиләләрнең уңай образын формалаштыруга һәм гаиләләрнең тормыш сыйфатын яхшыртуга, социаль лифтлар булдыруга һәм илдә демографик хәлне яхшыртуга юнәлтелгән. 2020 елда проектта Россиянең 75 төбәгеннән һәм йөзләгән мең гаилә катнашты.
«Күп балалы Россия» проекты кысаларында 2021 елда «Сәламәт гаилә – көчле Россия!» спорт фестивале (алга таба – Фестиваль) уза.
Фестивальнең төп бурычы - үткәрелә торган чаралар барышында (конкурслар, спорт, онлайн тренировкалар, семинарлар, лекцияләр һәм мастер-класслар) гаилә әгъзаларында сәламәт яшәү рәвешен алып бару, физик һәм ашау өстенлекләрен үзгәртү һәм үз сәламәтлегеңә җаваплы караш формалаштыру.
Чарада төрле этапларда катнашуга федераль һәм төбәк дәрәҗәсендәге башкарма һәм закон чыгару хакимияте вәкилләре, эксперт җәмәгатьчелеге, күп балалы гаиләләр җәлеп ителәчәк.
Моннан тыш, фестиваль кысаларында ярдәм Үзәге эше оештырылачак, анда гаиләләр физиологик үсеш һәм туклану үзенчәлекләре турында консультация һәм кирәкле белемнәрне, баланы сәламәт яшәү рәвешенә мотивацияләү ысуллары һәм кече яшьтән сәламәт яшәү рәвешенең тотрыклы моделен формалаштыру турында мәгълүмат ала алачак.
«Сәламәт гаилә - көчле Россия» Бөтенроссия фестивале турында тулырак мәгълүмат «Интернет» мәгълүмат-телекоммуникация челтәрендәге проект сайтында түбәндәге адрес буенча урнаштырылган: https://xn----etbdeabvzgddib1cl9lwa.xn--p1ai/sport-festival