Кадерле чыгарылыш сыйныф укучылары!
Иң онытылмас мәктәп бәйрәме – Соңгы кыңгырау, мәктәп белән саубуллашу уңаеннан ихлас котлауларымны кабул итегез!
Быел Ютазы районында “Соңгы кыңгырау” 9 нчы һәм 11 нче сыйныфларның 293 чыгарылыш сыйныф укучысы өчен чыңлаячак.
Бүгенге егетләр һәм кызлар гадәти булмаган фикерләү һәм хезмәт сөючәнлек, барлык башлангычларда да активлык, җаваплылык һәм куелган максатка ирешү омтылышы белән аерылып торалар. Сезнең арада - олимпиадаларда, спорт ярышларында һәм конкурсларда җиңүчеләр һәм призерлар күп. Сез – район язмышы, аның алга таба үсеше һәм чәчәк атуы өчен җаваплылыкны үз өстенә алырга тиешле яңа буын. Сезнең яшьлек дәртегез, энергиягез, кыюлыгыгыз үзегезгә теләсә нинди бурычларны үтәргә ярдәм итәр дип ышанам. Сез мәктәптә алган белемнәр тиздән һөнәри күнекмәләр белән тулыландырылачак. Аларны үз планнарыгызны тормышка ашыру, тормыш сынауларын җиңү һәм куелган максатларга ирешү өчен кулланыгыз.
Без, сез гомерегез буе үзегез белән янәшә булган педагогларга һәм ата-аналарга зур рәхмәт хисләрен сакларсыз, олыларга ярдәм итәрсез, кайгыртучанлыгыгыз, күңел көчегезне кызганмыйча, белем һәм тәҗрибә нигезендә, җиңәргә өйрәнерсез, дип ышанам. Бүген алар сез үз потенциалыгызны тормышка ашыра алырсыз һәм тормышта зур үрләргә ирешерсез дип ышаналар.
Мәктәптә соңгы көн - бер сәхифәне ябу һәм икенчесен ачу этабы, яңа дөньяга беренче адым. Хәзер сез имтиханнарны яңа укытучыга тапшырачаксыз, аның исеме – ТОРМЫШ!
Кадерле балалар! Бу көнне сезгә якты һәм истә калырлык бәйрәм телим. Ул сезнең өчен олы тормышка игелекле юл булсын! Сезгә чын күңелдән бәхет, уңышлар, сәламәтлек, мәхәббәт һәм актив гражданлык позициясе телим. Ирешелгәннәрдә беркайчан да тукталып калмагыз. Тагын да яхшырак булырга тырышыгыз. Һәм исегездә тотыгыз, туган як - Ютазы районы, һәрвакыт сезнең белән горурланачак!
Ютазы муниципаль районы башлыгы А. Ә. Шәфигуллин