2021 елның 21 маенда "Олимп" спорт мәктәбендә гер спорты буенча Ютазы районы муниципаль турниры булып узды.

2021 елның 22 мае, шимбә

Ярышларда 40тан артык герче катнашты, алар арасында бөтенләй яшь егетләр дә, шулай ук спорт өлкәсендә тәҗрибәлерәк осталар да бар иде.

Үз көчләрен сынап караган һәм тырыш балаларның барысына да афәрин дип әйтәсе килә.

Берләрен - җиңүләре, икенчеләрен – яңа рекордлары белән котлыйбыз һәм барысына да чемпион җиңүләре телибез.