«Маски» халык театр студиясе жюрины таң калдырган

2021 елның 24 мае, дүшәмбе

"Маски" халык театр студиясе (җитәкчесе Г.Р. Ханнанова) Б. Васильевның “А зори здесь тихие” повесте буенча куелган “Биш тормыш” спектакле белән жюрины әсир иткән һәм 22-23 май көннәрендә Бөгелмә шәһәрендә үткән «НеСтоЛица» II Республика балалар-яшүсмерләр һәм яшьләр театр фестиваль-конкурсында 1 дәрәҗә лауреат булган.

Шулай ук коллектив «Иң яхшы режиссерлык эше» һәм «Спектакльне иң яхшы сәнгатьчә бизәү» өчен дипломнар белән бүләкләнгән, ә «Маски» студиясе режиссеры ярдәмчесе һәм актеры Кирилл Мецкер «Иң яхшы ир-ат роле өчен» номинациясендә Дипломга лаек булган.

«Маски» театр студиясен җиңүләре белән котлыйбыз һәм киләчәктә дә иҗади уңышлар телибез!